تاند ( یکشنبه د مرغومي/ جدي ۲مه) د جلال اباد ښار په زیر زمینۍ مارکیټ کې تېره شپه اور لګېدلی وو.
ځایي مسوولان وایي، اور د اور وژنې د ډلګۍ په هڅو پرته له ځاني زیانه مهار شو.
د دوی په خبره دغه پېښه ځاني زیان نه لري، خو مالي زیان یې اړولی دی.
د مالي زیان په اړه تر اوسه
کره ارقام نه دي خپاره شوي، خو د اور لامل هم نه دی په ډاګه شوی.
د جلال اباد ښار تالاشئ څلورلارې د دې ښار تر ټولو ګڼ مېشته ساحه ده، چې خلکو او سوداګرو پکې په بېلابېلو کارونو ملیونونه افغانۍ پانګونه کړې ده.
د جلال اباد ښار اوسېدونکی احمدالله وایي، د همدې مارکېټ سره نښتی د صرافانو مارکیټ هم شته، چې د نظر خاوندانو په باور که د اور د مهار هڅه نه وای شوی ښایي ډېر مالي زیانونه یې اړولي وای.