تاند ( جمعه د لیندۍ/ قوس ۳۰مه) د بې پولې خبریالانو ټولنه RSF وایي،چې د طالبانو حګومت شاوخوا یوه کال کې ۱۲ رسنۍ تړلې دي.
یاد سازمان زیاته کړې، چې د دې ترڅنګ طالبانو د آرزو ټلویزیون ۷ کارکونکي تر اوسه په کابل کې بندیان دي.
د بې پولې خبریالانو ټولنې پرون پنجشنه (د لیندۍ ۲۹مه) پر خپله ایکس پاڼه له طالبانو غوښتي، چې د یاد ټلویزیون کارکوونکي خوشې کړي.
د بې پولې خبریالانو د ټولنې د جنوبي اسیا د څانګې مشرې، سیلین مرسیر ویلي، چې د رسنیو په وړاندې د طالبانو “ظالمانه” چلند په وروستیو میاشتو کې سخت شوی دی.
دې ټولنې د ټولو نیول شویو خبریالانو په بې قید او شرطه خوشې کولو ټینګار کړی او ټینګار یې کړی، چې رسنۍ حق لري افغانانو بې پرې معلومات ورسوي.