تاند ( پنجشنبه د لیندۍ/ قوس ۲۹مه) د طالبانو حکومت د تېرې شپې ترافیکي پېښې په غبرګون کې د دوه ترانسپورتي شرکتونو فعالیت وځنډوه.
یاد وزارت په خپله اېکسپاڼه لیکلي،.چې د کابل-کندهار پر لویه لاره د غزني ولایت اړوند سیمه کې د ترافیکي پېښو په ترڅ کې پر رامنځته شوې مرګ ژوبله خواشیني دي.
ټرانسپورټ او هوايي چلند وزارت زیاته کړې، چې هڅه کوي له اړونده ارګانونو سره په تفاهم لاډېر کار وکړي،څو د داسې پېښو د مخنيوي په اړه لازم اقدامات تر سره کړي.
تېره شپه د کابل-کندهار پر لویه لار دوو جلا ټرافیکي پېښو کې د ښځو او ماشومانو په ګډون شاوخوا ۵۰ تنه مړه او ۷۰ نور ژوبل شول.
په ټولنیزو رسنیو کې دې پېښې خلک خواشیني کړي او له طالبانو یې غوښتي چې د هغو ټرانسپورتي شرکتونو فعالیت بند کړي، چې د عامو خلکو او مسافرو له ژوند سره لوبې کوي.