تاند ( پنجشنبه د لیندۍ/ قوس ۲۹مه) د افغانستان کرکټ ملي لوبډلې د زمبابوې پر وړاندې د دویمې نړیوالې یو ورځنۍ لوبې په لومړنۍ پاڼۍ کې د خپلو ۴ لوبغاړو په زیان سره ۲۸۶ منډې جوړې کړې او سیالې لوبډلې ته یې د ۲۸۷ منډو هدف وټاکه.
د افغان لوبډلې په ګټه صدیق الله اتل ۱۰۴، عبدالمالک ۸۴، لوبډلمشر حشمت الله شهیدي ۲۹* او محمد نبي ۱۸ منډې جوړې کړې.
زمبابوې لوبډله د هدف په ترلاسه کولو کې پاتې راغله او د ټولو لوبغاړو په سوزېدو یې یواځې ۵۲ منډې وکړې.
په توپوهنه کې د افغان لوبډلې په ګټه فضل الحق فاروقي ۲ الله محمدغضنفر او نوید ځدراڼ ۳-۳ او عظمت الله عمرزي د زمبابوې یو لوبغاړی وسوزوه.
تر دې وړاندې لومړۍ یو ورځنۍ لوبه د باران له امله بې پایلې شوه،خو د لومړۍ لوبې په نهو ترسره شویو اورونو کې عمرزي د زمبابوې ۴ لوبغاړي سوزولي وو.