تاند ( چهارشنبه د لیندۍ/ قوس ۲۸مه) د افغانستان پخوانی ولسمشر حامد کرزي د طالبانو د کډوالو وزیر خليلالرحمن حقاني روح ته د دعا په پار او د طالبانو د کورنیو چارو وزیر سراج الدین حقاني سره د خواخوږۍ په پار د پکتيا ولايت ګرده څيړۍ ولسوالۍ ته سفر کړی دی.
حامد کرزي هلته د طالبانو د کورنیو چارو وزارت له سرپرست خلیفه سراج الدین حقاني سره کتنه کې د خلیل الرحمن حقاني فاتحه ادا کړې او د نوموړي کورنۍ ته یې تسلیت وړاندې کړی دی.
پخواني ولسمشر حامدکرزي تر اوسه په دې اړه څه نه دي ویلي،خو له سراج الدین حقاني سره د هغه د ناستې انځورونه په ټولنیزو رسنیو کې د ټولنیزو رسنیو یو شمیر کاروونکو هیله بښونکي ګڼلي.
د طالبانو د کډوالو وزیر خلیل الرحمن حقاني یوه اونۍ وړاندې د دسمبر په ۱۲مه د وزارت په انګړ کې په یوه برید کې ژوند وبایله.
تر دې وړاندې د روانې لیندۍ/ قوس میاشتې په ۲۴مه د د حزب اسلامي مشر ګلبدین حکمتيار د طالبانو د کډوالو چارو وزیر خلیل الرحمن حقاني د فاتحې په مراسمو کې د ګډون لپاره پکتیا ته تللی وو.