تاند ( سه شنبه د لیندۍ/ قوس ۲۰مه)افغان کرکټ بورډ د ملي لوبډلې له مشر روزونکي جانتن ټراټ سره د ۲۰۲۵ زېږدیز کال لپاره قرارداد وغځاوه.
جانتن ټراټ چې د انګلستان ملي لوبډلې پخوانی پیاوړی توپوهونکی دی، د لومړي ځل لپاره په ۲۰۲۲ زېږدیز کال کې د افغانستان ملي لوبډلې د مشر روزونکي په توګه وټاکل شو.
نوموړی له تېرو دوو کلونو راهیسې د ملي لوبډلې سره مل دی چې د لوبډلې په بریاو کې یې د افغانستان کرکټ لپاره اغېزناک رول درلود.
د کرکټ شنونکي هم د ټراټ د قرارداد غځول د لوبډلې لپاره په دې پار یو ښه ګام بولي،چې د دوی په خبره نوموړی تر اوسه بریالی ثابت شوی دی.