تاند ( دوشنبه د لیندۍ/ قوس ۱۹مه) د دوحې فورم ناستې په څنډه کې د امریکا نړۍوالې پراختیایي ادارې د افغانستان څانګې (USAID) او قطر د ټولو لپاره د زده کړو بنسټ (EAA) د افغانستان د ښوونیزو پروګرامونو د ملاتړ په موخه د ۵۰ ملیونه ډالرو هوکړه وکړه.
دغه مالي مرسته به ۱۰۰ زره له زده کړو پاتې ماشومانو ته ښوونځیو ته د تګ او دوه زره افغان زده کوونکو ته د بورسیو زمینه برابره کړي.
په دغه هوکړه کې د مالي مرستو سربېره د افغانستان د ښوونیز نظام پر پیاړوتیا هم خبرې شوي دي.
دا هوکړه داسې مهال لاسلیکېږي، چې اوسمهال په افغانستان کې د نجونو پرمخ هر راز ښوونیزه دروازه بنده ده پرته له مدرسو.
یواځې تر شپږم ټولګې نجونو ته د تګ اجازه شته او بس.