تاند ( چهارشنبه د لیندۍ / قوس ۱۴مه) د آسیا جام کرکټ په درېیمه لوبه کې هم افغان نولس کلنې لوبډلې له نیپاله ماتې وخوړه.
د افغانستان ۱۹ کلنو کرکټ ملي لوبډلې د اسیا ۱۹ کلنو کرکټ جام په درېیمه ګروپي لوبه کې د یوه ویکټ پر توپیر ماتې وخوړه.
افغان لوبډلې په خپلو دوه نورو سیالیو کې هم له سریلانکا او بنګله دېشه ماتې خوړلې وې.
د نیپال پر وړاندې د لوبې پچه افغانستان وګټله او لومړی یې توپوهنه وکړه.
افغان لوبغاړو په ۳۵.۴ اورونو کې خپل ټول لوبغاړي له لاسه ورکړل او له ۱۲۳ زیاتې منډې یې جوړې نکړې.
د لوبې په دوهیمه نیمايي کې د نیپال لوبډلې په ۴۱.۳ اورونو کې د ۹ لوبغاړو پر سوځیدو ۱۲۴ منډې جوړې او لوبه یې وګټله.
دا لوبه پرون سه شنبه ترسره شوه،چې په دې ماتې سره د افغان لوبډلې سفر په اسیاجام کې پای ته ورسېده.