تاند – له نن څخه ۷۸ کاله وړاندې، د ۱۹۴۶ کال د نوومبر په ۱۹مه نېټه، افغانستان د یو خپلواک هېواد په توګه د ملګروملتو غړیتوب ترلاسه کړ. د افغانستان استازي عبدالرحمن عزیزي ملګرو ملتونو منشور لاسلیک کړ.

د ملګروملتو منشور لومړی پلا د ۱۹۴۵ د جون په ۲۶ نېټه د ۵۰ هیوادونو د استازو له لوري لاسلیک شو. پولنډ د همدغه کال (۱۹۴۵) د اکتوبر په ۱۵ مه د ملګروملتو منشور لاسلیک کړ ځکه ۵۱ هیوادونه د ملګروملتو موسسان بلل کېږي.

د آیسلنډ او سویډن ترڅنګ، افغانستان د دې نړیوالې ادارې د افتخاري غړي په توګه غړیتوب ترلاسه کړ.

خو دا دی ۷۸ کاله وروسته په ملګروملتو کې د افغانستان ځای خالي دی. افغانستان په دې نړیواله ټولنه کې د رایې حق نه لري او د ملګرو ملتونو پر اساس، په تېرو دریو کلونو کې افغانستان د غړیتوب د فیسونو د نه ورکولو له امله د ملګرو ملتونو په عمومي اسامبلۍ کې د رایې ورکولو له حق څخه بې برخې شوی دی.

د ۱۱۰ مادې له مخې، دغه منشور د ۱۹۴۵ کال د اکتوبر په ۲۴مه نافذ شو، د امنیت شورا د پنځو دایمي غړو او د نورو هېوادونو اکثریت لخوا له تصدیق وروسته. په دې اړه، ۲۲ هېوادونو د تصدیق اسناد تسلیم کړل. لاندې جدول د تصدیق بهیر ښيي: لومړی دایمي غړي، بیا هغه هېوادونه چې د اکتوبر تر ۲۴ مې یې تصدیق وکړ، او وروسته پاتې هېوادونه.

له ۱۹۴۵ کال راهیسې، د بنسټ ایښودونکو غړو نومونه بدل شوي، ځینې هېوادونه له منځه تللي او نوي هېوادونه د دوی ځای ناستي شوي دي.