تاند ( دوشنبه د عقرب ۲۱) د افغانستان کرېکټ ملي لوبډله نن د بنګلهدېش پر وړاندې د درېیو یو ورځنیو لوبو د لوبلړۍ وروستۍ لوبه ترسره کوي.
دغه لوبه د کابل پر وخت ماسپښين ۲:۳۰ دقیقې پیلیږي.
تر دې دمه دواړو لوبډلو یوه یوه لوبه ګټلې ده.
لومړۍ لوبه افغانستان په لومړۍ توپوهنې او دوهمه لوبه بنګله دېش په لومړۍ توپوهنې ګټلې ده.
نننۍ لوبه د دې لړۍ برخلیک ټاکونکې لوبه ده چې هره ګټونکې لوبډله به د لړۍ ګټونکې کېږي.