تاند (شنبه، د عقرب ۴ مه) د افغانستان د کرکټ ملي لوبډله له بنګله دېش سره د څو سیالیو لپاره نن (شنبه) متحده عربي اماراتو ته روانه شوه.
د افغانستان کرکټ بورډ ویلي چې د افغانستان د کرکټ ملي لوبډله به د راتلونکې نوومبر میاشتې په لومړۍ اوونۍ کې له بنګله دېش سره درې یو ورځنۍ مسابقې وکړي.
کرکټ بورد ّمداراز ویلي چې د لوبډلې یو شمېر لوبغاړي یې د یادو سیالیو په هدف د متحده عربي اماراتو د شارجې ښار ته رسېدلي ده.
د کرکټ بورډ د غوراوي کمیټې دې لوبلړۍ ته ۱۹ـ کسیزه لوبډله اعلان کړې ده چې د ځینو پخوانیو لوبغاړو په ګډون پکې څو ځوانانو ته هم چانس ورکړل شوی دی.
سیالۍ به د نوومبر په ۶مه نېټه پیل او تر ۱۱مې پورې دوام وکړي.