افکار: د فکر جمع شکل دی. په پښتو کي د فکر جمع “فکرونه” دي.
افګار: ټپي، زخمي، مجروح…
صفت دی.
دواړه دوه- دوه سېلابونه لري.
په شکل کي په (ک او ګ) بېلېږي.
مثالونه:
زموږ ژوند زموږ له افکارو او فکرونو جوړ دی.
«دوه انسانان خپل افکار نه بدلوي، مړ او جاهل.»
په زړو افکارو او په وراسته منطق نه پرمختګ کېږي او نه نوښت.
افګار بخاري:
ولي به افګار داسي مړه- مړه ژړل
ښکليه، که دي سترګي دومره مړې نه وای
ـــــــــ
ښيمه د غزل دعوېدارانو ته
وا دي وري افګاره غزل داسي وي
ـــــــــ
افګار چي کله ستا په پل سجده د ميني وکړي
د ستړي ژوند د سفر ستړی په يو ګام وخېژي