تاند ( چهارشنبه د میزان ۲۵مه) د افغانستان د ۱۷ کلنو فوټبال ملي لوبډله د ۲۰۲۵م کال اسیا جام د لارموندنې پړاو په سیالیو کې د ګډون په خاطر کمبودیا ته لاړه.
د فوټبال فدراسیون په یوه خبرپاڼه کې ویلي، لوبډلې نن حرکت وکړ.
په خبرپاڼه کې ویل شوي چې د اسیا جام د لارموندنې پړاو سیالۍ به د اکټوبر په ۱۷مه نېټه پیل او تر ۲۷مې نېټې به دوام وکړي.
افغانستان به د دې سیالیو په ترڅ کې په ب ګروپ کې له بنګلهدېش، کمبودیا، فیلیپين او ماکایو سره سیالۍ وکړي.