لنډه تبصره او نظر
د خیبر د عدالت غوښتنې جرګه وشوله، فیصلې اعلان شولې او ټولې فیصلې د لر او بر افغانانو/پښتنو په خیر دي.
دا پریکړې د سیمې د امنیت او حق خود ارادیت په وړاندې یو مهم قدم دی البته د تطبیق لپاره یې لا زیات ملاتړ ته اړتیا ده.
دې جرګې د افراطیت او د افراطیت د حامیانو، او د پاکستان د پوځ ظلم خپل ولس او دنیا ته په ګوته کړ. اوس څوک ویلې نشي چې افغانان/ پښتاته افراطیان دي بلکې دوی د افراطیت قربانیان دي.
بله مهمه مسله د ډیورند د فرضي کرښې نه پیژندل دي چې افغانان به لر اوبر سیمو ته بې له پاسپورته او تذکرو تګ او راتګ کوي. اوبه څوک په ډانګ بیولې نشي. د لر امنیت په بر او د بر امنیت په لر افغانانو او پښتنو مستقیم تاثیر لري.
د خپل واک او خپل اختیار مزل به روان وي تر څو خپل هدف ته ورسیږي.
د دغه پریکړو مخالفین که دولتي او یا غیر دولتي دي، هڅه به کوي چې د آفغانانو/پښتنو تحریک کمزوری کړي خو دا د ټولو دنده ده چې د خپلې مبارزې مزل ته دوام ورکړي.
دا د شګو مزل دی که ورو هم وي، خو چې مزل کیږي، خامخا به هدف ته رسیږي.
شاه محمود میاخیل د ننګرهار پخوانی والي او د افغانستان جمهوري غوښتونکو خوځښت د سیاسي چارو مسوول