تاند ( شنبه د میزان ۱۴مه) ایران دوه افغانان د کرج په قزل حصار زندان کې په دار ځړولي دي.
د یاد هېواد د بشري حقونو سازمان وايي، د دوو افغان وګړو په ګډون شاوخوا ۸ بندیان د ایران د کرج په قزل حصار زندان کې اعدام شوي دي.
دغه غیر دولتي سازمان اوسمهال په ناروې کې دېره دی.
دوی په یوه راپور کې زیاته کړې، چې دغه کسان د میزان په ۱۱مه د تېرې چهارشنبې په ورځ د محاربې او عمدي قتل په تورونو اعدام شوي دي.
د ایران د بشري حقونو سازمان ازادي راډیو ته ویلي وو، د روان میلادي کال په نهو میاشتو کې شاوخوا ۳۳ افغانان په ایران کې اعدام شوي.
د سرچینې پر اساس دا د تېرو څو کلونو پرتله څو برابره زیاتوالی ښيي.