تاند ( دوشنبه ـ د میزان ۹مه) فرانس پريس خبري آژانس په یوه راپور کې د اسرائيلو د پوځ له قوله ویلي،چې د اسرائیلو جنګي جیټ الوتکو نن سهار د لبنان په بیکا سیمه کې د حزبالله لسګونه اهداف ویشتلي.
فرانس پریس خبري آژانس د اسراییلو پوځ له تلګرام چينل څخه دا راپور اخیستی دی.
د اسرائیلو پوځ په خپل تلګرام چینل لیکلي چې، دوی په دغو بریدونو کې د حزبالله د وسلو زېرمتونونه په نښه کړي دي.
په خبرپاڼه کې ویل شوي، چې دوی به تر هغو لبنان کې خپلو بریدونو ته دوام ورکوي چې د حزبالله پوځي وړتیاوې لهمنځه یوسي.
د نننیو بریدونو د مرګ ژوبلې راپور لا نه دی خپور شوی.
بل لورته بیا د لبنان د عامې روغتیا وزارت ویلي چې تېره ورځ یکشنبه د اسراییلو په بریدونو کې ۱۰۵ تنه ووژل شول او ۳۵۹ نور ټپيان شول.
د معلوماتو پر اساس حزبالله پوځي او سیاسي ډله ده چې د امریکا لخوا د ترهګرو په توګه پېژندل کېږي او اروپایي ټولنې یې بیا پوځي څانګه په تور لېست کې شامله کړې ده.
د حزب الله د وسلو په زېرمتونونو د اسرائيلو برید
تاند همېشه د باطل په مقابل کې د حق ملاتړ کړی دی. لطفا په خپلو راپورونو کې انصاف مه هېروئ. که داسې څه خپروئ حتی په عنوان کې یې منبع ذکر کوئ. دا د یهودو ادعا ده او حقیقت یې خدای ته معلوم دی. دغو خبیثانو ۴۲ زره انسانان په غزه کې اکثر په روغتونونو او ښوونځیو کې چې خلکو په کې پناه اخیستې وه، ووژل چې څه باندې ۱۵ زره یې یوازې ماشومان ول.