تاند (یکشنبه،د میزان ۸ مه) په غور ولایت کې ځایي سرچینې وایي، یوه بې پیلوټه الوتکه له تېرو دوو ورځو راهیسې د غور پر مرکز فیروزکوه ښار او د دغه ولایت په ځینو ولسوالیو کې ګزمې کوي.
ځایي سرچینو مخکې د ولایت په اسمان کې د بې پیلوټه الوتکو په کشفي الوتنو کې د پام وړ زیاتوالي خبر ورکړی و.
د سرچینو پر اساس، په وروستیو ورځو کې، یوه بې پیلوټه الوتکه په دوامداره توګه د فیروزکوه ښار او د ولایت په ځینو ولسوالیو باندې ګزمې کوي.
تر دې مخکې هم په سیمه کې د هوایي فعالیتونو د زیاتوالي راپورونه ورکړل شوی وو.
دا لا تر اوسه روښانه نه ده چې دا الوتکې د کوم هېواد دي، له کوم هېواد څخه د افغانستان هوایي حریم ته داخلیږي او ولې د غور ولایت پر سر ګزمې کوي.
خو ځینو طالب چارواکو تر دې مخکې د افغانستان په اسمان کې د بې پیلوټه الوتکو د ګزمې لپاره له امریکا سره د پاکستان پر همکارۍ نیوکه کړې وه.
باور کېږي چې د دغو الوتکو مرکزونه یا د کنټرول اډې په پاکستان کې دي.
بې پېلوټه الوتکې زرګونه کیلومتره مزا نه شي کولی.