تاند (جمعه، د سنبلې ۳۰ مه) د طالبانو تر کنټرول لاندې باختر اژانس وايي چې په بدخشان کې د سرو زرو د کان د یوط برخې د نړېدو له کبله درېژ کاند کیندونکي مړه شوي دي.
دې اژانس ته په بدخشان کې د طالبانو د اطلاعاتو اوکلتور امر ویلي چې دا پېښه د بدخشان ولایت په وردوج ولسوالۍ کې شوې ده.
ده همداراز ویلي چې کارګر د خم بهار او دو درګي په کليو کې د خاورو په يوه غونډۍ کې، چې ويل کېږي د سرو زرو يو کان هلته شته، د سرو زرو د ترلاسه کولو لپاره د شګو په مينځلو بوخت وو، چې يوه برخه يې ونړېده او درې کارګر په کې وژل شول.
د یادونې وړ ده چې په یاد ولایت کې مخکې له دې هم ورته پېښو کې د سرو زرو په کانونو کې بوخت یو شمېر کارګر مړه شوي دي.
خو ډېر ځلې دا ډول پېښې د سمنګان او بغلان د سکرو په کانونو کې کېږي.