تاند (دوشنبه، د اسد ۲۲مه) د غور ولایت د مرکز فیروزکوه په کندیوال سیمه کې په ترافیکي پېښه کې دوه تنه مړه او ۵ ژوبل شول.
د غور امنیه قوماندانۍ په یوه خبرپاڼه کې نن (دوشنبې) ویلي چې دا پېښه د یوه فلاینګ کوچ د چپه کېدو په نتیجه کې وشوه.
قوماندانۍ د پېښې علن د موټرچلوونکي بې احتیاطي بللې ده.
وړمه شپه د میدان وردک په بهسود ولسوالي کې په ترافیکي پېښې کې ۴ تنه مړه او یو ټپي شو.
په افغانستان کې اکثره ترافیکي پېښې د لارو د خرابوالي او د موټرچلوونکو د بې احتیاطۍ له کبله کېږي.
سږ کال په ځانګړي ډول ترافیکي پېښې زیاتي دي خو له کبله یې د مرګ ژوبلو کره راپور نه شته.