تاند(جمعه، د اسد ۱۹ مه) د قزاقستان ولسمشر قاسم جومارت توکایف د منځنۍ اسیا د بهرنیو چارو وزیرانو په غونډه کې، د ترانس افغان ریللارې جوړېدا هیله بخښونکې وبلله.
توقایوف نن (جمعه) د خپل هیواد په پلازمېنه استانې کې د منځنۍ اسیا د هیوادونو د باندنیو چارو وزیرانو په غونډه کې وویل چې دا پټلۍ به د جنوبي اسیا بازارونو ته د سوداګرۍ چارې اسانه کړي.
د ازبکستان، قزاقستان، قرغیزستان، تاجکستان او ترکمنستان د بهرنیو چارو وزیران په دې غونډه کې ګډون لري.
ښاغلي توقایف په خپله وینا کې د منځنۍ اسیا د هیوادونو د مشرانو د غونډو پایلې “هراړخیزې او مهمې” وبللې او ویې ویل، د ګډو هڅو له امله، مهمې اوږدمهاله ستونزې حل کیږي.
د قزاقستان ولسمشر د ټرانس افغان ریللارې جوړېدو ته په اشارې وویل چې قزاقستان حاضردمه د ترانسپورت او ټرانزیټ په سکتور کې د خپلو کورنیو کارونو په بشپړولو بوخت دی.
په ۲۰۱۸ م کال کې د یوې داسي لویې لارې د جوړولو لپاره، چې منځنۍ اسیا د پاکستان د اوبو له بندرونو سره وصل کړي، د افغانستان، پاکستان او ازبکستان تر منځ د ترانس افغان ریلارې طرحه وړاندې شوه. خو په افغانستان کې د ناامنۍ د دوام او د جمهوري حکومت له پرزېدو وروسته دا پلان وخڼدول شو. په وروستیو دوو کلونو کې ازبکستان بیا د دې طرحې د عملي کولو لپاره د طالبانو له حکومت سره خبرې بیل کړې.
د دې۵۷۳ کیلومتره ریلارې د جوړولو لګښت څه باندې څلور نیم ملیارد ډالره اټکل شوی دی.
د پلان له مخې، دغه پټلۍ به د ازبکستان له مزارشریف څخه تر غلام خان بندر پورې وغځول شي.
دا د منځنۍ اسیا د هېوادونو د بهرنیو چارو وزیرانو شپږمه مشورتي ناسته وه، چې ګډونوالو یې د تړلو دروازو تر شا خبرې وکړې.