تاند (پنجشنبه، د اسد ۴ مه) د لایف پرل په نوم د درمل جوړولو یوه نوي خصوصي شرکت، چې ۲۰ میلیون امریکايي ډالره پرې پانګونه شوې، نن (پنجشنبې) پرانیستل شو.

د لایف پرل شرکت مسوولانو وویل چې دغه شرکت د شاوخوا ۵۰ ډوله درملو په تولید سره فعالیت پیل کړی دی.

د طالبانو د عامې روغتیا مرستیال وزیر عبدالباري عمر د پرانیستې په مراسمو کې وویل چې حاضردمه په ټول افغانستان کې د درملو ۷۷ شرکتونه فعالیت لري.

له دې پرمختګ سره سره افغانستان لا هم له ګاونډیو هېوادونو او د سیمې له هیوادونو څخه د درملو په وادراتو تکیه لري.

عموماً افغانان د درملو پر ټیټ کیفیت او لوړ نرخ اندیښنه څرګندوي او په درملتونونو کې د کیفیت لرونکي درملو نشتوالي له امله د پام وړ ننګونې په ګوته کوي.

همداراز ډېری افغانان وايي چې په هیواد کې د وارداتي درملو د ګیفیت د خرابوالي له کبله د معمولي ناروغیو د درملنې لپاره پاکستان ته ځي.