په افغانستان کې د ترافیکي پېښو مهم عامل د ترافیکو د قانون نشتوالی دی. یوه ورځ مې په یوه ویدیو کې ولیدل چې ملاصاحب له زده کوونکو پوښتنه کوي ،چې ګیر بدل کړه ، شاته کوم ګیروهي ، بریک ونیسه . شاګرد هم هغه تمثیلوي . ماشاء الله کامیاب شوي!
په غربي نړۍ کې یوکال د تیوري درسونه وایی ، خو بیا هم شاګردان ناکامیږي . کله چې د تیوري په امتحان کې کامیاب شي ، بیا شل ساعته د دریوري عملي او رسمي مکتب کې کورسونه وایی او له هغه وروسته یوکال یا یو نیم کال نور تعلیمي موټر کې یواځې ګرځي ، تمرین کوي . د نورو کسانو د سپرولو حق نه لري .
کله چې امتحان ته آماده شو ، بیا څو ځله د وړو موټرو لپاره امتحان ورکوي . که کامیاب شو یو کال وروسته به یوځل بیا امتحان ورکوي چې معلومه شي دا دریور څومره پرځان حاکم دی ، ترڅو د خپل ځان او نورو د تلف کېدو سبب نه شي .
اما په افغانستان کې یوه ورځ مې د یوه نوي جوړ شوي شرکت بسونه ولیدل ، له چالانېدو او حرکت سره سم یې یو ترافیکي قانون مراعات نه کړل او په ډېر سرعت سره له نورو وړو موټرو مخکې شول ، حال داچې هلته د بسو سبقت ممنوع وو.
د افغانستان د دریوري لایسنس د نړۍ په هېڅ هېواد کې نه چلیږي .