تاند (یکشنبه، د سرطان ۲۴ مه) د پېښور لوړې محکمې بالاخره د هغو پاکستانۍ مېرمنو په اړه پرېکړه وکړه چې د افغانستان له اتباعو سره یې واده کړی وي.
د محکمې له پرېکړې سره سم، دا ډول ښځې له دې سره سره چې د پي او آر یا افغان تابعیت کارت غوښتنه یې کړې وي، کولی شي دوه تابعیته ولري.
د او آر کارت لرونکو تېر کال د پېښور لوړې محکمې ته غوښتنلیک سپارلی و.
د پېښور د لوړې محکمې (هايي کورټ) له پرېکړې سره سم، هر هغه څوک چې یوې خوا یې (مور یا پلار) د پاکستان تابعیت ولري او عمر یې تر ۲۱ زیات نه وي، دوه تابعیته لرلی شي.
خو د چا چې عمر تر ۲۱ کالو لوړ وي، باید د پاکستان د کورنیو چارو وزارت یې په اړه پرېکړه وکړي.
همداراز فیصله شوې، هغه افغان ښځې چې له پاکستاني نارینه سره یې واده کړی وي، باید یو تابعیت ولري او بل پرېږدي.