تاند ( یکشنبه، د سرطان ۲۴ مه) د بدخشان لپاره د طالبانو چارواکو د دغه ولایت په کشم ولسوالۍ کې د یوې ترافیکي پېښې له امله ۱۶ کسانو ته د مرګژوبلې اوښتو خبر ورکړی دی.
په دې ولایت کې د طالبانو یوه ویاند احسان الله کامګار ویلي، چې د یاد ولایت په کشم ولسوالۍ کې د یوه پیکپ ډوله موټر د چپه کېدو په پېښه کې ۳ تنه مړه او ۱۳ نور ټپیان شوي دي.
د پېښې ټپیان د یاد ولایت روغتیایي مرکز ته استول شوي.
پرون بغلان کې د دوو ترافیکي پېښو له امله د ۱۲ تنو د مرګ ژوبلې خبر ورکړل شوی و.