تاند ( سې شنبه، د سرطان ۵ مه) د افغانستان – تاجکستان پر ګډې پولې د شکمنو بې پیلوټه الوتکو د ګزمو خبر ورکړل شوی.
د راپورونو له مخې، دا ګزمې د تخار ولایت په اړوندو سیمو کې شوي.
تر اوسه نه ده معلومه چې یادې الوتنې د کوم هېواد اړوند دي؟
ځایي طالب چارواکو دا خبر نه تایید او نه رد کړی.
مخکې د طالبانو رژیم پر امریکا متحدو ایالتونو تور لګولی و، چې د افغانستان هوایي حریم نقضوي او د افغانستان فضا یې ولکه کې ده.
تاجکستاني چارواکو هم په دې اړه څه نه دي ویلي، خو مخکې یې ادعا کړې چې د افغانستان له خاورې ورته تروریستي خطرونه پېښ دي.
طالبانو د تاجکستان په ګډون د سیمې د نورو هېوادونو ورته اندېښنې رد کړې وې.