تاند ( سې شنبه، د سرطان ۵ مه) پاکستان کې د عدم استحکام په نوم اعلان شویو هغو عملیاتو ته د غبرګونونو په لړ کې چې د پاکستان حکومت د ترهګرۍ ضد ګڼلي، د جمیعت علمای اسلام ګوند مشر ملا فضل الرحمان هم توند غبرګون ښودلی.
هغه په یوه لویه غونډه کې ویلي، چې دا عملیات به د پاکستان د بې استحکامه کیدو سبب شي.
د هغه په وینا، پاکستان چې هر ځل د داسې عملیاتو اعلان کړی، د ګټې پر ځای یې تاوان کړی او کمزوری شوی.
د نوموړي په خبره، د پاکستان د بلوچستان په اړه ډېر نه پوهیږي خو پښتونخوا کې له ماښام وروسته د وسله والو ډلو حکومت وي.
د هغه په باور، د یادو عملیاتو اعلان په ښکاره ملکي حکومت د سیاستوالو په تایید وکړ، خو اصلي پرېکړه پوځ کړې او ملامتي یې سبا پر سیاستوالو اچوي.
د پاکستان حکومت د فضل الرحمان څرګندونو ته غبرګون نه دی ښودلی، خو مخکې یې دفاع وزیر خواجه آصف د یادو عملیاتو خلاف د عمران خان د پلویانو مخالفت له ترهګرو څخه د دوی مخالفت ګڼلی و.