سه شنبه, جولای 23, 2024
Homeخبرونهبنګله دېش، نیدرلنډ او انګلنډ عمان ته ماته ورکړه

بنګله دېش، نیدرلنډ او انګلنډ عمان ته ماته ورکړه

تاند – د کرکټ د نړیوال شل اوره جام سیالیو په سي ګروپ کې به له دې شېبې څو ساعته وروسته د افغانستان او پاپوانیوګینې مسابقه پیل شي.

که افغانستان پاپوانیوګینې ته ماته ورکړي، د دې جام سیالیو منځلوبو یا د ۸ غوره لوبډلو د سیالیو پړاو ته وځي.

هند، استرالیا او جنوبي افریقا، چې هرې لوبډلې، درې – درې سیالۍ کړي او درې واړه یې ګټلي، بل پړاو ته وتلي دي.

ټاکل شوې ده چې د افغانستان لوبډله د راتلونکې اوونۍ د سې شنبې په ورځ، چې د جون له اتلسمې سره برابره ده، له ویسټ انډیز سره مخامخ شي. د ویسټ انډیز او افغانستان سیالي به څرګنده کړي چې کومه لوبډله بل پړاو ته د لومړي ټیم په توګه وځي.

نن شپه بنګله دېش په ۲۵ منډو نیدرلنډ ته ماته ورکړه او انګلنډ د عمان ټوله لوبډله په ۱۳ اور او دوهم توپ په داسي حال کې وسوځوله، چې عماني لوبغاړو یوازې ۴۷ منډې کړې وې.

انګلیستان د عمان له لوري د ۴۷ منډو هدف یوازې په درېیم اور او لومړي توپ پوره کړ. په بله ژبه انګلنډ عمان ته په ۸ ویکټونو او ۱۰۱ اضافي اوپونو ماته ورکړه. دا ماته یو ریکارډ دی چې په روان شل اوره جام کې انګلیسي لوبغاړو ټینګ کړ.

LEAVE A REPLY

Please enter your comment!
Please enter your name here

- Advertisment -

ادب