تاند (جمعه، د جوزا ۲۵ مه) د ترانسپورت او هوايي چلن وزارت د هوا پېژندنې ادارې اټکل کړی چې نن (جمعه) به د هېواد په اتو ولایتونو کې سخت بارانونه واوري او ممکن په یو شمېر سیمو کې د سیلونه وبهیږي.
د دې ادارې له خبرپاڼې سره سم، په بدخشان، نورستان، بغلان، پروان، کونړ او میدان وردګ ولایتونو کې د سخت باران، تېزو بادونو او سیلونو وړاندوینه کوي.
د اورښت اټکل په مختلفو سیمو کې له ۱۵ څخه تر ۲۵ میلي مترو پورې، او د باد سرعت په هر ساعت کې له ۵۰ څخه تر ۸۰ کیلومترو پورې اټکل شوی دی.
تېره میاشت د افغانستان په شمال، شمال ختیځ او لویدیځو سیمو کې سیلونو نژدې ۵۰۰ تنه مړه، سلګونه نور ژوبل کړل او دغه راز یې ډېر مالي تاوانونه واړول.
د ملګروملتو پر اساس، د اپریل او مې په میاشتو کې په افغانستان کې د سیلونو له کبله شاوخوا ۵۰۰ تنه مړه شوي دي.