تاند (پنجشنبه، د جوزا ۱۷ مه) د کرکټ د نړیوال جام سیالیو په دوام کې یوګنډا د پاپونیوګینې لوبډله او استرالیا، عمان ته ماته ورکړه.
یوګنډا په ۳ ویکټونو او ۱۰ توپونو ياپونیوګینې ته ماته ورکړه. او استرالیا بیا په ۳۹ منډو له عمان څخه وګټله.
ټاکل شوې ده چې نن د نامیبیا او سکاټلنډ ټیمونه د افغانستان په وخت د شپې په یوولس نیمېئ بجې مخامخ شي.
خو تر دې وړاندې به نن د پاکستان لوبډله د امریکا په وړاندې د مسابقې میدان ته ووځي.
د دوی سیالي به د افغانستان د شپې په ۸ بجې په دالاس کې پیل شي.
سبا د جون په اوومه په اې ګروپ کې د کاناډا او آیرلنډ لوبډلې مسابقه کوي. او د جون په اتمه لومړۍ مسابقه به په سي ګروپ کې د افغانستان او نیوزیلنډ ترمنځ وي. دا سیالي به د ویسټ انډیز په پروویدینس کې په ځايي وخت د ماښام په اوومه نیمې او د افغانستان د سهار په ۴ بجې پیل شي.