تاند (پنجشنبه، د جوزا ۱۰ مه) د افغانستان لپاره د قطر ځانګړي استازي فیصل بن عبدالله الحنزاب خپل هېواد ته د افغانستان په تړاو د اروپایي ټولنې د ځانګړي توماس نیکلاسون د سفر پر مهال له هغه سره د افغانستان پر موضوعاتو خبرې کړي.
د قطر بهرنیو چارو وزارت په یوه اعلامیه کې ویلي، چې د دې ناستې پر مهال د افغانستان د بدلونونو او په دغه هېواد کې د سولې او ثبات د تامینولو پر هڅو د نظرونو تبادله شوې ده.
سرچینې د دغو نظرونو په اړه نور جزیات نه دي ورکړي.
د اروپایي ټولنې استازی داسې مهال قطر ته تللی، چې روسي چارواکو په قطر کې د افغانستان په اړه د ملګرو ملتونو په کوربه توب د راتلونکې میاشتې غونډې په درشل کې د طالبانو د رژیم د په رسمیت پېژندلو شنه څراغونه ښودلي.
امریکا د روسیې د دې احتمالي پرېکړې د ناوړه پيغام خبرداری ورکړی او ګومان کیږي چې قطر ته د اروپایي ټولنې د استازي سفر هم تر ډېره همدې موضوع پورې تړاو ولري.