تاند (دوشنبه، د جوزا ۶ مه) د طالبانو له وېرې پېښور ته کډوال شویو یو شمېر افغان نرښځیانو د یوې خبري غونډې له جوړولو سره وویل، چې پېښور محکمې ته یې د پاکستان له پولیسو د خلاصون او دوی ته د پناه ورکولو لپاره عریضه سپارلې ده.
د خبري ناستې پر مهال د دوی څو تنو وویل، چې د ډیورنډ کرښې هغې غاړې ته یې طالبان او دې غاړې ته پاکستاني پولیس کرار نه پریږدي.
یو شمېر مدافع وکیلانو ویلي، چې د پېښور محکمه باید د دغو نرښځیانو غږ ته مثبت ځواب ووایي او پاکستاني پولیس ورته له ستونزو جوړولو منع کړي.
د طالبانو له بیا واک ته رسېدو سره، په افغانستان کې د نر ښځیانو، هم جنسپالو او ان ښځو خلاف توندې پالېسۍ وضع شوي او د ناوړه چلند او قیوداتو له امله پر طالب رژیم توندې نیوکې شوي.