تاند (یکشنبه، د ثور ۱۶ مه ) د طالبانو د بهرنیو چارو وزارت وايي چې یوه پلاوي یې د ګامبيا په پلازمېنه، بانجول کې د اسلامي همکارۍ سازمان په ۱۵مې سرمشريزې کې ګډون کړی دی.
دغه وزارت زیاته کړې، چې په دې غونډه کې د اسلامي همکارۍ سازمان په رسمي بلنه، د دوی په استازيتوب د بهرنیو چارو وزارت وياند، او د نړيوالو سازمانونو د برخې رئيس ګډون کړی.
سرچینه زیاتوي، پلاوی به په عمومي غونډه کې د ګډون ترڅنګ د اسلامي همکارۍ سازمان له لوړ پوړو چارواکو او همدارنګه د غړو هېوادونو له استازو سره د ناستې په څنډه کې د دوه اړخيزو او څو اړخيزو موضوعاتو په اړه هم خبرې اترې ولري.
د اسلامي همکارۍ سازمان ۱۵مه سرمشريزه چې د غړو هېوادونو د دولتونو او حکومتونو رئيسان، بهرنيو چارو وزيران او دیپلوماتان پکې ګډون کوي.