تاند (یکشنبه، د ثور ۱۶ مه) د افغانستان د کرکټ الف لوبډلې نن په څلورمه یو ورځینۍ دوستانه سیالۍ کې سریلانکا ته ماته ورکړه.
سریلانکا افغانستان ته ۲۷۶ منډې هدف ټاکلی و خو د ریاض حسن د سلیزې په مرسته افغان لوبغاړو وکړای شول چې هدف پوره کړي.
د دې سیالۍ پچه افغانستان وګټله او سریلانکا ته یې د توپ وهنې یا بیټنګ بلنه ورکړه. د سریلانکا لوبډلې په ( ۵۰) اورونو کې د ( ۷) لوبغاړو له بایللو وروسته (۲۷۵) منډې وکړې.
د افغانستان لپاره بلال سمیع ۳، قیس احمد ۳ او ننګیالي خروټي ۱لوبغاړي وسوځول.
په توپ وهنه یا باولینګ کې د افغانستان دواړه پیلګر لوبغاړي ښه وځلېدل. د ریاض حسن د ۱۰۶ منډو ترڅنګ زبید اکبري ۶۸ منډې وکړې او ننګیالي خروټي بیا په نسبتاً لږتوپونو ۴۰ او شاهدالله ۳۹ منډې وکړې.
د دې لړۍ لومړۍ درې سیالۍ د سریلانکا الف لوبډلې ګټلې وې.