تاند (یکشنبه، د ثور ۹ مه) د افغانستان د فوټسال ملي لوبډلې نن قرغیزستان ته په پلې اف کې په ماتې ورکولو په لومړي ځل نړیوال جام ته لاره ومنده.
د افغانستان د فوتسال ملي لوبډلې نن د نړیوال جام د لارموندنې په وروستۍ سیالۍ کې خپل غښتلي سیال قرغیزستان ته ۵ پر ۳ ماته ورکړه او نړیوال جام ته یې لار پیدا کړه.
د دې سیالۍ، چې د تالند په پلازمېنه بنکاک کې وشوه، په لومړۍ نیمايي کې افغانستان یو ګول وهلی و، او لومړی نیمايي یو په صفر د افغانستان په ګټه پای ته ورسیده.
د لوبې دویمه نیمايي د افغان لوبډلې لپاره په تاریخ بدله شوه او ۴ نور ګولونه یې ووهل.
دا لومړی ځل دی چې افغانستان د فوټسال ملي لوبډله نړیوال جام ته وځي
د افغانستان د فوټسال ملي لوبډلې په اسیايي سیالیو کې تر منځلوبو (کوارټرفاینل) پورې مزل کړی و، خو له تاجکستان یې ماتې خوړلې وه. د نړیوال جام د لارموندنې په پړاو کې افغانستان دوې سیالۍ وکړې چې په لومړۍ لوبه کې یې عراق او په وروستۍ لوبه کې یې قرغیزستان ته ماتې ورکړه.
په پام کې ده چې د فوټسال نړیوال جام د روان کال د سپټمبر میاشتې په ۲۴مه نېټه د ۲۴ غوره نړیوالو لوبډلو په ګډون په ازبکستان کې پیل شي.
ښه زیری دی. په نړیوال تورلمنټ کی د افغانستان د فوتسال د ټیم د نورو بریالیتوبونو په هیله.