تاند(جمعه، د ثور ۷ مه) د امریکا پوځ وايي په لومړي ځل یوې الوتکې چې د مصنوعي ذهانت تر کنټرول لاندې وه، له یوې پېلوټ لرونکې جنګي الوتکې سره مقابله وکړه.
په حقیقت کې دا د مصنوعي ذهانت او انسان لومړنۍ هوايي مقابله وه.
د امریکا د پرمختللې دفاعي څېړنې ادارې، دارپا وویل چې دا مقابله د تېر کال په سپټمبر میاشت کې د یوې پېلوټ لرونکې ایف ۱۶ جنګي الوتکې او یوې ازمېښتي پوځي الوتکې، چې په مصنوعي ذهانت سمبال وه، ترمنځ د کلیفورنیا په ایډورډز هوايي اډه کې وشوه.
د دارپا پر اساس، دا مقابله د مصنوعي ذهانت د قدرت او پرمختګ د ازمویلو په خاطر له مځکې تر ۶۰۰ متره لوړه وشوه.
د امریکا پوځ د دې ازمېښتي مقابلې په اړه، چې له ترسره کېدو نور جزییات نه دی څرګند کړي.
خو د ایف شپاړس الوتکې پېلوټ بیل ګري ویلي چې دا ډول ازمېښتونه به په راتلونکې کې نور هم وشی.
د امریکا پوځ له څو کلونو راهیسي د داسي پوځي الوتکو پر جوړولو کار کوي چې مصنوعي ذهانت یې چلوي.