تاند: ( ۵ شنبه، د ثور ۶ مه) د کابل – جلال اباد پر لویه لاره د یوې ترافیکي پېښې له امله ۵ تنه وژل شوي او یو بل ټپي دی.
د کابل د امنیې قومندانۍ قومندانۍ طالب ویاند خالد ځدراڼ ویلي، چې دا پېښه د کابل ولایت د سروبي ولسوالۍ په یوه اړونده سیمه کې رامنځته شوې ده.
سرچینه زیاتوي، چې دا پېښه له سړک څخه د یوه مساپر وړونکي موټر د انحراف او غره سره د ټکر له امله رامنځته شوې ده.
سرچینې په دې تړاو نور جزییات نه دي ورکړي.
ترافیکي پېښې په افغانستان کې له ډېرو کلونو راهیسې له جګړې وروسته د زیاتې مرګ ژوبلې تر ټولو مهم لامل ګڼل کیده.
څه موده مخکې د طالبانو کابینې د دغو پېښو د مخنیوي لپاره د یوې طرحې د جوړولو او د تطبیق د پيل خبر ورکړ، خو لا هم لیدل کیږي چې د ترافیکي پېښو او له امله یې رامنځته کېدونکې مرګ ژوبله کې کوم توپیر نه دی راغلی.