تاند (شنبه، د حمل ۱۷ مه) ایلن مسک وايي، ټیسلا به د سږ کال په اګست کې روباټیک ټکسي راوباسي.
مسک دا خبره څو ساعته وروسته له دې پر خپله ایکسپاڼه کې ولیکله چې رویټرز خبري اژانس راپور ورکړ چې ټیسلا د ارزانه برېښنايي نقلیه وسیلې له جوړولو په شا شوی دی.
خو د رویټرز د راپور په غبرګون کې مسک وویل »رویټرز بیا دروغ وویل.»
ټیسلا له ډېرې مودې راهیسي ژمنه کړې چې ارزانه برېښنايي موټر جوړوي چې د ابتدايي موټر بیه به یې له ۲۵ زره ډالرو پیلیږي. دې شرکت د سږ کال په جنورۍ کې وویل چې دا ډول موټر به د ۲۰۲۵ په نیمايي کې راوباسي.