تاند(دوشنبه، د حمل ۶ مه) د بلوچستان د ازادۍ پوځ وايي، د بلوچستان ایالت په تربت کې د پاکستان د پوځ د سمندري ځواکونو پر هوايي اډې یې برید کړی دی.
د بلوچستان د ازادۍ پوځ مجید لوا یو شمېر فدایان د پاکستان د سمندري ځواک هوايي اډې ته ننوتي او په او په اډه کې له موجودو ځواکونو سره په جګړه بوخت دي.
تراوسه پورې د دې نښتې له کبله د مرګ ژوبلو کره معلومات نه شته خو ویل کېږي چې سخته جګړه روانه ده.
د بلوچستان د ازادۍ پوځ په وروستیو کې ډېر فعاله شوی او تقریباً هره ورځ پر یوه سیمه برید کوي.
د بلوچستان د ازادي پوځ، چې له پاکستان څخه د بلوچستان د خپلواکۍ لپاره جنګېږي، رسنیو ته په ساتولې خبرپاڼه کې ادعا کړې چې د دوی د مجید لوا سرتېري بریالي شوي چې د هوايي اډې د شاوخوا دېوالونه مات کړي او هوايي اډې ته ننوځي.
د دغه پوځ په وینا دا برید د پاکستان په وخت د شپې په ۱۰ بجې پیل شو.
د بلوچستان د ازادۍ پوځ ادعا لري چې اډې ته د دوی د ځواکونو له ننوتو ۳ ساعته وروسته هم جګړه روانه ده خو د پاکستان پوځ ادعا لري چې ټول حمله کوونکي یې وژلي دي.
پاکستانی فوج کا سوشل میڈیا تربت نیول بیس میں داخل ھونے والے تمام سرمچاروں کی شہادت کا اعلان کررہا ہے البتہ بلوچ سرمچاروں مطابق آپریشن جاری ہے اور درجن سے زائد پاکستانی فوجی ہلاک کرنے کا دعویٰ کررہے ہیں اور اگر سابقہ ریکارڈ دیکھا جائے تو پاکستانی فوج ترجمان ہمیشہ جھوٹ ہی بولتے ہیں
— Shafiq Ahmad Adv (@ShafiqAhmadAdv3) March 25, 2024