تاند (شنبه، د حمل ۴ مه) د روسیې ولسمشریزې ماڼۍ( کرملین) په یوه اعلامیه کې د دغه هېواد پلازمېنې مسکو ته د څېرمه ښار کروکوس په یوه هال کې د برید د ۴ تورنو عاملانو د نیولو خبر ورکړی.
سرچینې په دې اړه نور جزییات نه دي ورکړي او نه ده معلومه، چې د دغو کسانو هویت څه دی؟
یو شمېر رسنیو د خپلو سرچینو له قوله ویلي، چې نیول شوي کسان د تاجکستان اتباع دي.
د داعش ډلې لخوا په سیمه کې د تاجکستاني اتباعو رول تر دې مخکې هم راپور شوی او له هغې ډلې په ایران کې د داعش لخوا د یوه خونړي برید عاملان هم تاجکستاني وګړي یاد شوي وو.
یوه روسي استخباراتي مقام په دې تړاو همدومره ویلي، چې د نیول شویو کسانو په اړه د روسیې ولسمشر ولادمیر پوتین ته راپور ورکړل شوی.
تر دې د مخه، داعش ډلې اعلان وکړ چې دغه برید دوی ترسره کړی دی.
په دغه برید کې د شاوخوا ۶۰ تنو د وژل کېدو او ۱۴۵ نورو د ټپي کیدو خبر ورکړل شوی.
غبرګونونه
د روسیې ولسمشر ولادمیر پوتین خپله تر اوسه په دې اړه غبرګون نه دی ښودلی.
روسیې سره د لویدیز په ملاتړ په جګړه ښکېل هېواد اوکراین ویلي، چې دوی دغه برید سره هیڅ کوم تړاو نه لري.
د اوکراین د دفاع وزارت استخباراتي څانګې دا تور هم پورې کړی، چې دا برید خپله د روسیې د ولسمشر په امر شوی څو په دې پلمه د اوکراین خلاف جګړه تونده شي.
د ملګرو ملتونو د سرمنشي ویاند فرهان حق ویلي، چې سرمنشي دا پېښه په تر ټولو توندو ټکیو غندي او د قربانیانو کورنیو سره خواخوږي څرګندوي.
چین، اروپایي ټولنې، فرانسې، جرمني، ونزویلا، هند، د فلسطین حماس ډلې، په افغانستان کې د طالبانو واکمن رژیم او ګڼو نورو خواوو هم دا برید په توندو ټکیو غندلی او روسیې سره یې غمرازي ښودلې ده.
مخکې روسي رسنیو ویلي وو، چې د برید ترسره کوونکي ۴ کسان وو او دوی پوځي یونیفورم اغوستی و.
په خپرو شویو ویدیوګانو کې لیدل کېږي چې د کنسرت له سالونه لوګي پورته کیږي او داسي ښکاري چې ټولې ودانۍ اور اخیستی وي.
د روسی رسنیو پر اساس، په هال کې غالباً تر ۶۲۰۰ زیات کسان موجود وو ځکه چې د «پیک نیک» په نوم د موسیقۍ د ډلې د کنسرت دلیدلو لپاره همدومره ټکټونه پلورل شوي وو.
آخرالزمانی تئاتر دی.
د تاجکستان مشرانو پخپل هیواد کی د اسلام د خپریدو په وړاندی خنډونه را منځته کړی دی خو مسلمان! مبارزین ئی د یهودو او امریکائیانو په غیږه کی روزل سوی او په نورو سیمو کی تروریسټی حملی تر سره کوی.
پوتین ژمنه کړي چې د داعش او اوکراین په ضد به پراخ نظامي تحرکات تر سره کړي. ښاغلې پوتین باید د ټانډ په لوستونکو کې د داعش د ناولي او پلیتې عقیده پلویان هم هیر نکړي. د دغو خلکو صفایې هم لازمه دي. که څوک له پوټین سره تماس لري دا پیغام دی ورته ورسوي. له خیره به خالي نه وئ.