تاند (سې شنبه، د حوت ۲۹ مه) د پاکستان تر ولکې لاندې د بلوچستان په مرکزیت نن سهار د ډیورنډ کرښې په شاوخوا سیمو او د افغانستان په سویلي ولایتونو کې زلزله شوې ده.
د دغې زلزلې شدت، د ریښتر په کچه ۵،۵ درجې ښودل شوې ده.
د راپورونو پر اساس، د دغې زلزلې ټکانونه په کندهار، هلمند او د بلوچستان ایالت د چمن په اړوندو سیمو کې محسوس شوي دي.
د امریکا د جیالوجیکي سروې د راپور له مخې، د دې زلزلې مرکز د بلوچستان ایالت په نوشکي سیمه کې د مځکې په ۱۰ کیلومتره ژور تل کې و.
تر اوسه، د دې زلزلې د احتمالي زیانونو په تړاو څه نه دي ویل شوي.