تاند (دوشنبه،د حوت ۲۸ مه) تازه راپورونه وایي، چې پرافغان خاورې د پاکستان له نننیو بمباریو وروسته، اوس د ډیورنډ کرښې په اوږدو کې له پاکستاني لوري سره د طالبانو د ځواکونو جګړه روانه ده.
د راپورونو په اساس، دا جګړه د کورمې سیمه کې پيل شوې، خو لا د ځاني زیانونو جزیات نشته.
د سیمې یوه قومي مخور حاجي نوروز علي ویلي، چې افغان لوري پر خپل قلمرو د پاکستان له بمبارۍ وروسته پر پاکستاني لوري ۴ توغندیز بریدونه کړي او بیا پاکستاني ځواکونو جګړه پیل کړې ده.
سرچینه زیاتوي چې اوس په خرلاڅو او بوړکي سیمو کې جګړه روانه ده، خو د ځاني زیانونو په اړه یې معلومات نه لري.
د کورمې، د بره کورمې د سیمې یوه پولیس مشر هم د جګړې خبر تایید کړی او ویلي، د جګړې له امله د سیمې ښوونځي هم تړل شوي.
د افغانستان یو شمېر خبري رسنیو بیا ویلي، چې د ډیورنډ کرښې دې غاړې ته جګړه د پکتیا ډند پټان ولسوالۍ ته څېرمه ده او له امله یې ګڼو کورنیو خپل کورونه پریښي دي.
د طالبانو د حکومت چارواکو په دې اړه څه نه دي ویلي.
د طالبانو ویاند ذبیح الله مجاهد د پاکستان د بمبارۍ په غبرګون کې ویلي وو، دوی د بهرنیو تېریو پر وړاندې د مبارزې ښه تجربه لري او هیچا ته به پر خپلې خاورې د تېري اجاز ورنه کړي.
طالب ویاند دغه راز، د پاکستان په نننو بریدونو کې د ۱۱ ښځو او ماشومانو د وژل کېدو خبر ورکړی.
مجاهد: د پاکستان د بمباریو له امله ۸ ښځې او ۳ ماشومان وژل شوي – تاند (taand.net)
پاکستان به په ډیورند لاين کې یو څه نور هم مخکې راشي او بیا به اوربند شي… هههه… یو دولت چې د ملت اولاد تعلیم ته نه پریږدي، هغه خامخا ملت ته ضرر رسويو