تاند (یکشنبه، د حوت ۲۰ که) د سعودي عربستان سترې محکمې اعلان وکړ، چې سبا دوشنبې (د مارچ ۱۱ مه) د روژې مبارکې میاشتې لومړۍ ورځ ده.
بلخوا: د طالبانو سترې محکمې نن مخکې تر دې چې ورځ پای ته ورسیږي، اعلان وکړ چې سبا (دوشنبې) د روژې لومړۍ ورځ نه ده.
د طالبانو د سترې محکمې له اعلان سره سم، د دې محکمې د هلال کمېټه به سبا غونډه وکړي او په دې اړه به پرېکړه وکړي چې کله د روژې لومړۍ ورځ ده.
افغانستان له ډېر پخوا څخه د یو شمېر نورو اسلامي هیوادونو په شان د سعودي د هلال کمېټې د اعلان پر اساس روژه او اختر اعلاناوه.
طالبانو له واک ته رسیدلو وروسته، په افغانستان کې د سعودي عربستان په پیروۍ د روژې او اختر تاریخي دود پای ته رسولی او د پاکستان په تقلید د خپل افق پر اساس روژه او اختر اعلانوي.
د طالبانو سترې محکمې په ولايتونو کې د هلال ولايتي کمېټو ته دنده سپارلې چې د مياشتې د ليدو لپاره تیاری ونيسي.
د طالبانو د کار او ټولنيزو چارو وزارت هم د روژې په مياشت کې دولتي کارکوونکو ته کاري مهالوېش اعلان کړی.
دغه وزارت په يوه مکتوب کې مامورينو ته د کار د شروع وخت د سهار له ۹ بجو بیا د ماسپښين تر ۲ بجو ټاکلی.
د پنجابي تورغري په میاشت به طالب مرتد هم روزه نیسي ☹️