تاند ( شنبه، د حوت ۱۹ مه) د طالبانو د رژیم چارواکي وایي، چې نړیوال بانک له دوه کلن ځنډ وروسته په افغانستان کې د کاسا زر په نوم د برېښنا د لېږد پروژې چارې بیرته له سره پيلوي.
د طالبانو يه یوه اعلامیه کې راغلي، چې دا پروژه د برېښنا شرکت په هڅو او د سیمې هېوادونو په همکارۍ د نړیوال بانک له لورې بیا پیلېږي.
له قرغیزستان څخه د افغانستان له لارې پاکستان ته د برېښنا انرژۍ لېږد تر ټولو سترې پروژې (کاسا۱۰۰۰) بیا پيل په اړه د ترکیې په استانبول ښار کې د نړیوال بانک، د طالبانو رژیم، قرغیزستان, تاجکستان او پاکستان استازو تر منځ ګډه ناسته شوې.
دا ناسته چې د مارچ په ۷مه او ۸ مه وشوه د افغانستان برېښنا شرکت استازي هم پکې ګډون کړی وو او د برېښنا انرژۍ سوداګرۍ سیمییز نښلون دې سترې پروژې بیا پيل ته یې بشپړ چمتو والی ښودلی.
د کاسا ۱۰۰۰ پروژې تاسیسات به په افغانستان کې د ۵۸۰ کېلومترو په اوږدوالي د کندوز له شیر خان بندر څخه د ننګرهار تر طورخم پورې بشپړیږي.
ټاکل شوې له دوو کلونو ځنډ وروسته د برېښنا لېږد دا ستره پروژه د نړیوال بانک په مالي ملاتړ بیاځلې د ۱۴۰۳ لمربز کال غويي/ثور میاشت کې بیا پيل او د ۱۴۰۴ لمریز کال پای کې بشپړه شي.
ددې پروژې چارې د نړیوال بانک له لورې د سیمې هېوادونو په غوښتنه او په افغانستان کې د طالبانو د رژیم له لورې د چمتووالي او بشپړو شرایطو او ډاډمنتیا ښودلو سره بیا پيلیږي.
د تورخم کلمه خو سل سلنه پښتو کلیمه ده ، نو ولې په ط لیکل شوېده . که مونږ د پنجابیانو پېښې او تقلید کوو ، بیا به دا پاتې ژبه هم میراث شي .