تاند (چار شنبه، د حوت ۱۶ مه) د افغانستان د غېږ نیونې ملي لوبډلې غړو د تاجکستان په نوروزي سیالیو کې د ګډون لپاره دغه هېواد ته سفر پيل کړ.
تمه ده، چې افغان لوبغاړي به د یاد شوي هېواد په نوروزي سیالیو کې برخه واخلي.
په یادو سیالیو کې د ۴۰ هېوادونو لوبغاړي برخه اخلي.
له افغانستان څخه دغو سیالیو ته ۱۲ لوبغاړي او د دوی روزونکی ورغلي.
یادې سیالۍ به د حوت میاشتې له شپاړسمې تر نولسمې نېټې د تاجکستان په پلازمېنه دوشنبه ښار کې ترسره شي.
مخکې د نوروز په مناسبت افغانستان خپله هم د بېلابېلو ورزشونو سیالۍ ترسره کولې، خو د طالبانو له بیا واکمنیدو سره د نوروز پر نمانځنې بندیز لګول شوی.