تاند (سې شنبې د حوت ۸ مه) سره له دې چې د افغانستان لپاره د ملګرو ملتونو د امنیت شورا بېګانۍ غونډه بې پایلې ترسره شوې ښکاري، خو د ملګرو ملتونو سرمنشي ویاند سټېفېن ډوجارک ټینکار کوي، چې د افغانستان لپاره د دغه سازمان د نوي ځانګړي استازي د ټاکلو بهیر لا هم روان دی.
د نوموړي په وینا، د دغه استازي په ټاکل کېدو سره به یې نوم په ډاګه کړي.
ښاغلي ډوجارک چې یو خبري کفرانس ته خبرې کولې، ویلي چې د ځانګړي استازي موضوع په جدي توګه څارل کیږي.
هغه د افغانستان په اړه د امنیت شوار د تېرې شپې ناستې په هکله ویلي، چې یادې شورا ته د دوحې دویمې غونډې راپور د سولې او سیاسي چارو په برخو کې د ملګرو ملتونو د سرمنشي مرستیالې روزمیري ډي کارلو لخوا وړاندې شو.
نوموړي نه دي روښانه کړي، چې په دغه راپور کې د امنیت شورا غړو ته څه ویل شوي؟
سټېفېن ډوجارک په افغانستان کې د وروستیو اعدامونو پېښو په اړه ویلي چې ملګري ملتونه د مرګ سزا مخالفت ته ادامه ورکوي او په عام محضر کې یې دا ډول وژل «بد» یاد کړي دي.
په ورته وخت کې د امنیت شورا ۱۱ غړو هېوادونو په یوه ګډه اعلامیه کې د طالبانو پر رژیم غږ کړی، چې د دوی په وینا د افغان ښځو پر وړاندې سیستماتیک تبعیض پای ته ورسوي او حقونه یې خوندي کړي.
طالبانو د ملګرو ملتونو د ویاند څرګندونو او دغه راز د امنیت شورا د ۱۱ غړو هېوادونو اعلامیې ته غبرګون نه دی ښودلی، خو مخکې یې هم د افغانستان لپاره د ملګرو ملتونو د نوي استازي د ټاکلو مخالفت کړی او هم یې د قصاص په نوم د خپلو مجازاتو ننګه کړې او ویلي، چې له دې سره د دوی په باور د « اسلامي شریعت» احکام عملي کوي.
ملل متحد یعنې امریکا او دامریکا لاسپوسې دملګرو ملتونو استازې یعنې د وخت ضایع کول او د امریکا هدف سر ته رسول ملګری ملتونه باید د فلسطین د جینوساید ځواب ګویې ووسې افغانستان امن ده او همدا ملل متحد ده چی د افغانستان د پرمختګ خنډ ګرځې او غواړې بیا غله لنډغر قاتلین او اختطاف چیان افغانستان ته راولې مونږ د ملل متحد د نماینده ګانو استازولی ولیده چې سرنګه یې افغانستان په کنډوالو بدل کړ اخضر ابراهیمی بنان سوان محمود مستری بی واکه ککرې چی صرف د مملکتونو چکر واهه او د امریکا مردار دالر یې مصرفه ول د افغانستان هیڅ درد یې دوا نکړو