شته یو شمېر له خدایه نه وېرېدونکي خلک چې لکه چینچي د نورو په مال ، شتمني ، پیسو په غلا ، دوکو، چل ول سره خپل منحوس ژوند ته دوام ورکوي .
غله په هره ټولنه کې شته ، هغه که اسلامي وي او که غیر اسلامي . په غلو کې نارینه ، ځوانان ، نجونې او ښځې او هر ډول خلک وي ، حتی چړیانو ، ټالبانو او ملایانو کې هم غله شته .
د غلو نیول د واکمنو دنده ده . باید له هغوی نه د وکیل او اقاربو په حضور کې عادلانه تحقیقات وشي . که ورباندې ثبوت شوه ، د جرم مطابق د جزا قانون په اساس جزا ورکړل شي . البته د شریعت په نوم کېدای شي هر ملا خپله فتوا واوروي چې ممکن نورو ملایانو او دیني عالمانو ته د منلو وړ نه وي .