تاند ( دوشنبه، د دلوې ۱۶ مه) برېتانیا او جرمني له افغانستان سره د څه باندې ۴۰ میلیونه ډالره بشري مرستې اعلان کړی.
د برېتانیا د مرستې اعلان د ملګرو ملتونو د خوړو نړیوال پروګرام کړی او ویلي، چې دغه هېواد ورته د افغانستان لپاره ۳۶ نیم میلیونه ډالره بشري مرسته ورکړې ده.
د ملګروملتو د خوړو نړیوال پروګرام نن وویل چې دا مرسته به خوراکي موادو ته د اړو کورنیو، ماشومانو او اومیندوارو ښځو پر تغذیې ولګول شي.
په ورته وخت کې یو شمېر رسنیو د جرمني د شاوخوا ۵ میلیونه مرستې خبر هم ورکړی.
دا خبرونه داسې مهال دي، چې د افغانستان تر ۲۹ میلیونه پورې خلک د بشري مرستو وړ ګڼل کیږي او د میلیونونو نورو وضعیت ته اندېښنې دي.