تاند (سې شنبه، د دلوې ۱۰ مه) د پاکستان یوې محکمې د دغه هیواد پخوانی صدراعظم عمران خان او د باندنیو چارو پخوانی وزیر شاه محمود قریشي هر یو په لس کاله بند محکوم کړل.
دوی ته دا سزا د رسمي اسنادو د افشا کولو د تور په خاطر ورکړل شوې ده.
ادعا شوې چې عمران خان او قریشي له بهرنیو چارو وزارت څخه کوم سند وړی، خلکو ته یې د هغه په اړه معلومات ورکړي او بېرته یې وزارت ته سپارلی نه دی.
عمران خان او قریشي په بند کې دي او دوی ته سزا د دوشنبې په ورځ په هغه محاکمه کې اعلان شوه چې د رالپنډۍ ښار په ادیالې محبس کې دایره شوې وه.
عمران خان د لومړي وزارت په مهال په یوه عامه غونډه کې یو کاغذ خلکو ته وښود، ویې ویل چې دا د یوه جګپوړي امریکايی چارواکي لیک دی چې د ده د حکومت د پرزېدو غوښتنه پکې شوې ده.
محکمه وايي چې عمران خان او د بهرنیو چارو وزیر یې په دې کار د رسمي او دولتي رازونو د پټ ساتلو د قانون سرغړونه کړې ده.