تاند (پنجشنبه، د دلوې ۵ مه) ټاکل شوې ده چې د افغانستان د کرکټ تر نولس کلونو کشره لوبډله نن په خپله درېیمه سیالۍ کې له نیپال سره مخامخ شی.
د افغانستان تر نولس کلونو د کشرو کرکټ لوبډله د نړیوال جام په سیالیو کې، چې په جنوبي افریقا کې روانې دي، تراوسه دوې سیالۍ کړي او دواړه یې بایللي دي.
لومړۍ یې پر پاکستان او دوهمه پر نیوزیلنډ وبایلله.
له نیپال سره د افغان لوبډلې سیالي به د ایست لندن په لوبغالي کې د کابل په وخت د غرمې په دوولس نیمو بجو پیل شي.
تر نولس کلنو د کشرو لوبغاړو د کرکټ نړیوال جام سیالۍ، چې ۱۶ ټیمونه پکې برخه لري، د روانې جنورۍ په ۱۹ مه پیل شوې.