یکشنبه, مې 19, 2024
Homeخبرونهملا برادر: د ټولو دولتي شرکتونو خپلواکه اداره مو جوړه کړه

ملا برادر: د ټولو دولتي شرکتونو خپلواکه اداره مو جوړه کړه

تاند (دوشنبه، د دلوې ۲ مه)د طالبانو د ریاست الوزرا اقتصادي مرستیال ملا عبدالغني برادر اخوند د ټولو دولتي شرکتونو، چې دوی یې «امارتي شرکتونه» بولي، د خپلواکې ادارې د رامنځته کېدو خبر ورکړ.

نوموړي پرون په دې اړه جوړې شوې غونډې ته وویل، چې دا کار د ښه مدیریت، ملي عوایدو لوړېدو، د انحصار او احتکار د مخنيوي په موخه د طالبانو د لوی مشر ملا هبت الله اخوند زاده په فرمان رامنځته شوی.

د هغه په وینا، د تېرې قمري پېړۍ تر وروستۍ لسیزې پورې دولتي تصدیو او شرکتونو تر ۶۰ سلنې پورې ملي بودیجه برابروله او خدمات یې تر خصوصي سکټور لوړ وو.

برادر د طالبانو له لوري د ډېری دولتي شرکتونو بېرته فعالیدو ته په اشارې سره ویلي؛ زموږ  په راتګ او د مالیې وزارت په هڅو سره ډېر شرکتونه بېرته فعال او په عوایدو کې یې د پام وړ زیاتوالی راغلی دی.

 یو شمېر خلکو دولتي شرکتونو ته د طالبانو د رژیم پاملرنه ستایلې، خو ویلي یې دي چې د دغو شرکتونو مشري هم طالبانو د نورو دولتي ادارو د مشرۍ په شان خپلو ملایانو او غیر مسلکي کسانو ته وسپاري، مطلوبې پایلې به ترې ترلاسه نه شي.

LEAVE A REPLY

Please enter your comment!
Please enter your name here

- Advertisment -

ادب